Kapiteni Virgil Van Dijk ka folur pasi Jurgen Klopp njoftoi largimin e tij befasues nga Liverpool në fund të sezonit aktual.

Të premten, Klopp mahniti botën e futbollit duke njoftuar se do të largohet nga Liverpool në fund të sezonit 2024/24 edhe pse ka kontratë deri në vitin 2026.

Në nëntë vitet e tij në Liverpool, Klopp ka fituar çdo trofe të mundshëm, duke përfshirë Ligën e Kampionëve në vitin 2019, dhe titullin e parë të ligës së klubit në 30 vjet në vitin 2020.

Kapiteni i Reds, Van Dijk është bërë lojtari i parë i Liverpool që flet për largimin e Klopp, që nga njoftimi i së premtes.

“Është e vështirë për t’u marrë, sepse trajneri do të thotë shumë për ne, për mua, për klubin, për të gjithë Ligën Premier mendoj”, ka thënë fillimisht Van Dijk.

“Por, ai e mori vendimin për të dhe familjen e tij. Do të ishte gjithmonë e vështirë dhe padyshim që ishte rasti”.

Holandezi ka përshkruar edhe momentin kur Klopp ua dha lajmin lojtarëve të tij.

“Po, ai na tha privatisht, natyrisht dhe të gjithë ishim bashkë. Siç thashë, është e vështirë për t’u marrë, por mendësia jonë është të përqendrohemi te puna jonë”.

“Kemi ende shumë objektiva për të arritur këtë vit dhe pse të mos e përfundojmë sezonin në një nivel të lartë dhe së bashku me festime edhe për shefin?”, përfundoi kapiteni i Reds. /Telegrafi/